!!أكيد مش ديتول

كان يا مكان في سالف العصر والاون كنت نازل مشوار مع الحج الوالد امبارح في الموسكي لشراء بعض المستلزمات, وطبعا حدث ولا حرج عن كمية الفوضى اللي شفتها في ميدان الموسكي وشارعي الجيش وبورسعيد من باعة جائلين قافلين الشوارع وناس ركنه لحد نص الشارغ وناس ركنه في الميدان نفسه وحاجة آخر مهزلة, طبعا واحد هيطلع ويقولي شايف الفوضى اللي أنتم عاملينها شايف إزاي الشعب ميجيش غير بالعين الحمرا, معلش هرد عليك قدام شوية, المهم دخلت شارع الجيش وجيت عند درب البرابرة كده وكنت عايز أركن بس طبعا عاليمين صف واحد موازي للرصيف عربيات وقدامه صفين بياعين نجف والشمال صفين ركنين عمودي عالرصيف مقفول عليهم بسلسة وصف تالت موازي ويادوبك العربيات اللي ماشية واخد حارة واحدة, فين وفين لقيت مكان صف تالت عالشمال المهم وقفت وقلت للحج انزل وانا هستنى في العربية, قبل ما اكمل احب أؤكد إني شوفت أكتر من عسكري وامين ماشين في الشارع بس ولا كان ليهم دعوة باللي بيحصل, نيجي بقى للمفيد أول مالحج نزل طلعلي الشاب اللطيف اللي فالصورة ودار مابينا الحوار التالي:

السايس:يا أستاذ متنفعش الواقفة ديه أركن عاليمين 

إيهاب: يا ريس أنا قاعد في العربية ماتخفش

 السايس:يا أستاذ  قلنا متنفعش الواقفة ديه, عاليمين ده مكان اكل عيش.

إيهاب: يا عم مفيش مكان عاليمين و كمان أنا مش قافل عليك في حاجة ولو عربية عاوزة تطلع هوسعلك

السايس:باقولك إيه الوقفة هنا بخمسة جنيه وإنت مش هتدفع خمسة جنيه يبقى تقف عاليمين.

إيهاب: بـأي حق واخد الشارع لحسابك.

السايس: لو مش عجبك عندك قسم الموسكي ورا هنا اهو روحلهم هيقولك الحتة ديه تبعي.(واخد بالك يا بتاع العين الحمرا)

في الحظة ديه جت عربية تانية تركن قدامي فـسابني وراح يتكلم مع الراجل والراجل مشي, راح اخد جولته ورجعلي تاني,وعشان مطولش عليكم فضل مصر على إني أنا امشي وابتدى يقول كلام زي "ما أنت قاعد في التكيف وانا منقوع في الشمس" , "هو يعني عشان ركبتو عربيات هتدوسو علينا" . حاولت اوصله إن ده مش من حقه وإنه كفاية عليه صفين العربيات اللي ورا السلسلة مع انه برضه مش حقه بس مفيش فايدة وابتدى الموضوع يكبر وكان هيقلب بمد ايد.وسط ده كله طلعلي عيل صغير 5 سنين كده بيحاول يقنعني إنه الوقفة هنا الساعة بعشرين جنيه, وفي أثناء محاولته ديه كان مدخل ايده جوه العربية من الشباك بتاعي وعمال يلعب في السنترلوك,لما اتخنقت وقلتله لو سمحت بطل لعب اتزربن وراح خابط عالعربية وقال للسايس"لأ بآه ده لازم يمشي من هنا النهارده" :).

 وفضلنا عالموال ده, يفضل السايس يتخانق معايا لحد مايجيله زبون يروحلوا ويرجع يكمل خناقة"لحد ماقالي "متفتكرش إنك واقف هنا غصب عني أنا لو حبيت امشيك هامشيك" وراح مطلع موبيله ومصور نمر العربية, أنا بصراحة مفهمتش بس قلت واحدة بواحدة و رحت مطلع الكاميرا ومصوره وقررت إني أكون اجابي وأكلم  البوليس يشوفولهم هل في الشارع كله, وعنها ورحت طالب 122 وكان هذا الحوار الرائع:

122: الو, أؤمر.

إيهاب: لو سمحت أنا في شرع الجيش في الموسكي والوضع هنا سيء جدا البياعين قافلين الشارع هما والعربيات اللي راكنة , والسوياس وخدين بقيت الشارع لحسابهم ويا تدفعلهم يا متركنش.

122: اسمك إيه؟

إيهاب: إيهاب مصطفى

122: إيهاب مصطفى إيه؟

إيهاب: إيهاب محمد مصطفى جمال الدين

122: إنت تبع قسم إيه؟

إيهاب: أنا تبع مدينة نصر بس أنا ببلغ عن حاجة في قسم الموسكي

122: آه الموسكي.... طب إيه المشكلة

إيهاب:أنا في شرع الجيش في الموسكي والوضع هنا سيء جدا البياعين قافلين الشارع هما والعربيات الراكنة , والسوياس وخدين بقيت الشارع لحسابهم ويا تدفعلهم يا متركنش.

122: طب إنت فين دلوقتي

إيهاب:في شارع الجيش

122: طب جنب إيه؟

إيهاب:قدام درب البرابرة

122: في حاجة تانية مميزة عندك

إيهاب: يا عم المشكلة ديه في الشارع كله مش مكان ما أنا واقف بس

122: طب خلاص هانشوف الموضوع ده.

والمكالمة دي كانت الساعة 3:35 بالضبط وقاعدت 4 دقائق و14 ثانية  بالضبط.

شوية و والدي رجع بالطلبات وقال لي يا ريت نعدي على شارع بورسعيد أجيب حاجة سريعة من هناك, فا اتحركت بالعربية ولفيت ودخلت شارع بورسعيد ويا ريتني مادخلت,زحام رهيب ومفيش تحرك, ده غير إن نص الشارع اليمين محتله قطيع خرفان, فضلت واقف في شارع بورسعيد فترة طويلة بدون حراك يذكر وفي نص الفترة دي حد ادني ميسد كول, بفتح أشوف مين لقيت رقم غريب معرفوش اللي هو الرقم ده 0173335206 وده كان الساعة 4:13 بالظبط.

معرفش كنت قريت فين إن البوليس في مصر لما يحب يكلمك بيديك رنة, وتوقعت إن يكون ده حد منهم. الموضوع ده عصبني جدا وقررت أتكلم عشان اهزأ اللي بيرن ده, فـطلبت النمرة ودار الحديث الاتي:

إيهاب: الو

01773335206: أستاذ إيهاب محمد مصطفى

إيهاب: أؤمر

01773335206:معاك القسم 

إيهاب: طالما القسم بترنلي ليه, ولا أنتم مابتخدموش غير اللي معاه رصيد بس واللي مامعهوش يولع.

01773335206: طب ما أنا ممعيش رصيد اكلمك.

إيهاب: طب أنت معكش وافرض أنا معيش هتعمل إيه هتسبني اتفلق.

01773335206: يعني خلاص هي العشرة صاغ دي بتاعت المكالمة حرقاك اوي كده.

بعد ثانيتين صدمة

إيهاب: أنت إيه اللي إنت بتقوله ده لو كانت حرقاني مكنتش كلمتك بس أنا بأتكلم في المبدأ بس مفيش فايدة, ها قولي.

01773335206:إنت اللي عايزنا.

إيهاب: اعوزكم في ايه هو أنا كنت لسة هقعد استناكم ده كله.. لا خلاص أنا مشيت.

01773335206:يعني خلاص إنت مشيت؟

إيهاب:آه مشيت 

01773335206: طب تأمر بخدمة تاني.

إيهاب:ولا أولاني 

 بعد الحوار ده وبعد طبعا ما الاعلام كان داوش دماغنا بموضوع تطهير الداخلية  بقاله أسبوع لقيت نفسي بسأل "هي الداخلية بـتطهر بإيه؟؟", مالقيتش جواب ,بس اللي متأكد منه إنه أكيد مش ديتول.

مين قد المسئولية

عيب اوي لما تكون بتقول أنا عملت ثورة وشاركت فيها وترجع تهاجمها أول ماتقف قصاد مصلحتك الشخصية, وعشانها تتهم الناس إنهم مش ثوار وضد الديمقراطية,  ونسيت نفسك ونسيت حالك قبل الثورة ديه, لما كنت بتصرخ وتقول عايز حرية, لا يا نظيف لا يا سليمان احنا قد المسئولية, ولما كانوا يقولوا علينا قلة تقولهم ابدا داحنا الاغلبية, دلوقتي بتخونهم وبتلعب عليهم نفس اللعبة ديه, نسيت المليونية, ولا عجبتك الكنبة والفرجة عالتمثيلية, ولا عزلت نفسك عن الناس ويادوبك بتابع من عالقنوات الاخبارية, ولا بتدور على مصلحك السياسية,  سواء يسارية, ليبرالية, اخوانية, ولا حتى سلفية, ولا اليائس دخَل جواك وقالك مفيش فايدة في البلد هتفضل هي هي........يا ميت خسارة مطلعتش قد المسئولية.

The Forest

I have created this blog a while ago and though I have written half a dozen of posts I never published any of them. Every time I created a post, based on a rush of emotions and ideas at that moment, and then sat back to preview it, I couldn't get myself click on publish, I always felt something was missing and that i will come and finish it later, but again never did.

I don't know why, but I decided to make this blog alive, maybe because I feel that I need a place to voice my thoughts in amidst of all the chaos around while we try to rebuild this country.

But while attempting to do so, I came across the last post I wrote back in January 2010:

One of ny university freinds, posted a question the other day on the facebook group we created for our faculty, the question read: 'Do you really love Egypt?'
Frankly i was really confused, not that i dont love my country, I do love my country, the fact is i love my country to the point where i am forced to ask myself: 'What do i love about my country? and why do i love my country?'
To clarify the question: 'which Egypt do I love? is it Mubarak Egypt? post war Sadat Egypt? pre war Sadat Egypt? AbdelNasser Egypt? Egypt as a kingdom?

At that time I couldn't make up my mind on an answer, but yet again that was before Jan 25.

Egypt is a huge forest; prior to Jan 25 all the trees in this forest were covered with dirt & dust weakened every day by its inability to absorb the sun light and even dried up from the lack of moister in the soil. This caused the trees to get sick and the leaves to get infected and fall off, giving ground for fungus to grow.

I believe that Jan 25 revolution was like a thunder storm that washes away all the dirt and dust of the trees, bringing out there true color, the green color, washing away all the obstructions that prevents the sun light from reaching the core of the leaves and minimizing their production, it also moistens the soil, allowing the roots draw the water in.

No doubt a thunder storm is still a thunder storm it has its destructive effect of knocking down some trees, breaking some branches and even burning up some trees that were struck by thunder. And though we suffer the loss of those trees and branches, and though the forest still has some sick trees and infected branches, and the fungus is trying to use the moister to grow more.... the forest is not dead.

The forest lives on, with a better chance for its future, now the sun light could reach the leaves and roots have access to water, there is a challenge to save the sick trees and kill the fungus, but the forest has a better chance now.
 I Love This Forest.